. : O s a m a . G a m a l : .

السلام عليكم…
خمس شهور او اكتر من تاريخ اخر تدوينه ..
حاجات كتير جدا حصلت خلال الفتره القصيره دي .. لكن للاسف الدوماين كان واقع و كمان مكنش فيه وقت ادون ..
ملخص اللي حصل:

• اخترنا مشروع التخرج اخيرا
• مشاكل في استيراد مكونات اليكترونيه للمشروع .. احد المكونات عملنلها اعاده شحن بخمس اضعاف تمنها او اكتر .. و جمارك فوق الرائعه علي باقي المكونات .. بحبك يا مصر
• تطور ايجابي لكن بطئ في مشروع التخرج!
• عدينا الـ Filteration Point الاولي في مسابقه MIE .. الحمد لله!
• تنظيم Computers Engineering Festival 2010  برعاية القسم .. مجرد اثبات لاعضاء هيئه التدريس ان في ايدهم كتير ممكن يفيدو بيه نفسهم و الطلبه و المجتمع .. وفعلا شكرا للدكتور هشام اللي من غيره مكنش هينفع نعمل الاحتفاليه و شكرا لمحمد الامام اللي خلي فكرتي حقيقه
• كات سكوب ١١ .. فعلا حدث مميز و رائع شكرا لكل المنظمين ..
• الـ Session بتاعتي في CAT Scope 11 بعنوان “Cutting Edge” .. كان المفروض هينظمها معايا م. ابراهيم عبد الباري لكن لظروف السفر مقدرش .. الـ Presentation بتاعت السيشن هنا:
  http://slideshare.net/Osama0Gamal/cutting-edge-4069471
  في الحقيقه ربنا عداها علي خير .. متأكد كان ممكن اقدمها بشكل افضل .. و مع ذلك في ناس كتير عجبهم السيشن “احمدك يا رب”  .. بس اتحداكم لو حد فعلا كان عارف بتتكلم عن ايه .. لاني انا شخصيا مش عارف لحد دلوقتي
  الدرس المستفاد: Never present a motivational/inspirational talk again
• احد اطرف المواقف بقي اللي حصلت الفتره اللي فاتت .. Presentation اضطرينا انا و محمد الامام و محمد ضيف نجهزها عشان اجتماع مع Our MIE Co-ordinator .. و ظبطناها قبلها بيوم .. و قلنا ننتهز فرصه ان الراعي الرسمي للمشروع بتاعنا “النخيلي للالكترونيات” هيكون موجود في الكليه بيعمل معرض .. نعرضله الـ Presentation بما انها جاهزه ..
  اللي حصل ان الراعي كان معاه عميد الكليه و ووكلاء الكليه و رئيس القسم و مشرف المشروع و دكاتره و هيصه .. و لقيته بيقول “و دول يا افندم طلبه في القسم بنرعي مشروع تخرجهم” .. قمت انا و محمد الامام فارشين العده و فتحت اللاب ولقيت نفسي واقف في وسط بتاع عشر دكاتره بشرح مشروعنا .. بس سبحان الله اتكلمت عادي كأن اللي واقف قدامي زمايلي
  طبعا محمد ضيف فلت من الموقف ده لان سعادته كان نايم .. و الحمد لله اننا كنا مجهزين Presentation معقول و اتمرنا عليه في اجتماع الـ MIE Co-ordinator .. و شكرا لـ Apple Keynote و تأثيراته السحريه .. عملت شغل
• شاركت في Google CodeJam Qualification Round و سبحان الله عديت الـ Qualification Round
  و في Round 1A, 1B, 1C دايما كان يحصل حاجه تعطلني ..
  بس فعلا كانت تجربه رائعه .. يمكن المره الجايه يكون الظروف مناسبه اكتر ..
  بس من الجدير بالذكر ان في Round 1C كنت انا و محمد عطيه و ابراهيم جاويش بنحلها مع بعض في الكليه .. و كنا فعلا حلينا مسأله و في طريقنا لحل التانيه بس الوقت أزح
  لو كانو سمعو كلامي و مضيعناش وقت في المسأله التالته كان ممكن اكسب
• تقدم في المشروع .. بالنسبه لي!
• رحله للقاهره مع الافاضل محمد ضيف و محمد عطيه و اخويا الفاضل المشمهندس عمرو .. كان يوم لذيذ
  .. كان المفروض هنمتحن انجليزي عشان نعرف مستوانا لكن نظام الامتحان معجبناش فسيبنا عمرو يمتحن و استندلنا و روحنا سيتي ستارز نشوف Prince of Persia قمه النداله .. بس كان يوم كويس .. ان شاء الله نكررو بس عمرو يكون معانا:D

اخيرا تصميم واجهه الموقع بتاعي اللي اشتغل لواحده من غير سبب .. بس في حال وقع سجل الـ Alias ده عندك http://osama.yotta-systems.com

بجانب كل ده طبعا كانت الحياة الروتينيه الممله و المناوشات المعتاده مع دكاتره الكلية